یوں بھی گزری ہیں مری شام و سحر پانی میں

یوں بھی گزری ہیں مری شام و سحر پانی میں

اشک بن بن کے بہا خون جگر پانی میں

کیا ڈرائیں گے یہ آفات زمانہ ہم کو

ہم بنا لیتے ہیں جب راہ سفر پانی میں

سخت سے سخت بھی پتھر نہ رہا پھر پتھر

اکثر آیا ہے نظر ایسا اثر پانی میں

تم اسی طور مرے دل میں رہا کرتے ہو

جس طرح رہتا ہے پوشیدہ گہر پانی میں

جذبۂ شوق و تصور کی بدولت اکثر

دیکھتا رہتا ہوں میں عکس قمر پانی میں

خواہش عیش و طرب کیوں ہو زمانے کی اسے

زندگی ہوتی رہی جس کی بسر پانی میں

روشنی دیتی وہ کیسے رہ الفت پہ رئیسؔ

شمع امید جلائی تھی مگر پانی میں

yun bhi guzri hain miri sham-o-sahar pani mein

ashk ban ban ke baha khun-e-jigar pani mein

kya daraenge ye afat-e-zamana ham ko

ham bana lete hain jab rah-e-safar pani mein

sakht se sakht bhi patthar na raha phir patthar

aksar aya hai nazar aisa asar pani mein

tum isi taur mire dil mein raha karte ho

jis tarah rahta hai poshida guhar pani mein

jazba-e-shauq-o-tasawwur ki badaulat aksar

dekhta rahta hun main aks-e-qamar pani mein

khwahish-e-aish-o-tarab kyun ho zamane ki use

zindagi hoti rahi jis ki basar pani mein

raushni deti wo kaise rah-e-ulfat pe rais

sham-e-ummid jalai thi magar pani mein