آپ جس سے کلام کرتے ہیں

آپ جس سے کلام کرتے ہیں

نیند اس کی حرام کرتے ہیں

آستیں میں چھپائے ہیں خنجر

منہ سے وہ رام رام کرتے ہیں

عشق کا روگ ان کے بس کا نہیں

دور سے وہ سلام کرتے ہیں

دل سے مجبور تیرے دیوانے

اک جگہ کب قیام کرتے ہیں

دست و بازو کے دور میں تو رئیسؔ

کام سے لوگ نام کرتے ہیں

ap jis se kalam karte hain

nind us ki haram karte hain

astin mein chhupae hain khanjar

munh se wo ram ram karte hain

ishq ka rog un ke bas ka nahin

dur se wo salam karte hain

dil se majbur tere diwane

ik jagah kab qayam karte hain

dast-o-bazu ke daur mein to rais

kam se log nam karte hain