ہمت کر کے پار اترنا دل چھوٹا مت کرنا

ہمت کر کے پار اترنا دل چھوٹا مت کرنا

دریا کا ہے کام بپھرنا دل چھوٹا مت کرنا

دل کو درد ہجر نے گھیرا ترک وفا پر لیکن

کچھ ہفتوں کا ہے یہ دھرنا دل چھوٹا مت کرنا

رونا لیکن آس نہ دل کی رو لینے سے ٹوٹے

آنکھوں کو اشکوں سے بھرنا دل چھوٹا مت کرنا

دل سے نکلے جب کوئی تو گھر بھی کہاں آتا ہے

آنگن چھوٹا بے شک کرنا دل چھوٹا مت کرنا

اس کے مرنے سے تھوڑی نا قدر حسن گھٹے گی

بعد ملالؔ کے اور سنورنا دل چھوٹا مت کرنا

himmat kar ke par utarna dil chhota mat karna

dariya ka hai kam bipharna dil chhota mat karna

dil ko dard-e-hijr ne ghera tark-e-wafa par lekin

kuchh hafton ka hai ye dharna dil chhota mat karna

rona lekin as na dil ki ro lene se tute

ankhon ko ashkon se bharna dil chhota mat karna

dil se nikle jab koi to ghar bhi kahan ata hai

angan chhota be shak karna dil chhota mat karna

us ke marne se thori na qadar husn ghategi

baad malal ke aur sanwarna dil chhota mat karna