کرتا ہوں بن ترے یوںہی اکثر گزر بسر

کرتا ہوں بن ترے یوںہی اکثر گزر بسر

جیسے کسی غریب کی بے زر گزر بسر

دنیا کا ہر طعام میسر ہے چند کو

اور بعض کی ہے نان جویں پر گزر بسر

پہلے جو قیس کے لیے اٹھتے تھے آج کل

ان پتھروں کی ہے مرے سر پر گزر بسر

لگتا ہے پھر قریب ہیں فاقوں کے روز و شب

ہوتی ہے چند روز سے بہتر گزر بسر

اک شخص ایسا چاہیے مجھ کو بھی ان دنوں

جس کے بنا نہ ہو سکے پل بھر گزر بسر

ہر دل صنم کدہ ہے یہاں پر قمر ملالؔ

کرتے ہو تم ہی ایک خدا پر گزر بسر

karta hun bin tire yunhi aksar guzar basar

jaise kisi gharib ki be zar guzar basar

duniya ka har taam muyassar hai chand ko

aur baaz ki hai nan-e-jawin par guzar basar

pahle jo qais ke liye uthte the aj kal

in pattharon ki hai mire sar par guzar basar

lagta hai phir qarib hain faqon ke roz-o-shab

hoti hai chand roz se behtar guzar basar

ik shakhs aisa chahiye mujh ko bhi in dinon

jis ke bina na ho sake pal bhar guzar basar

har dil sanam kada hai yahan par qamar malal

karte ho tum hi ek khuda par guzar basar