نہ کسی حرص نہ ہوس کے لیے

نہ کسی حرص نہ ہوس کے لیے

ہم یہاں آئے اہل لس کے لیے

مجھ پہ بس اک نگہ کہ کافی ہے

ایک چنگاری خار و خس کے لیے

زندگانی کے خستہ اڈے پر

ہم کھڑے ہیں اجل کی بس کے لیے

رزم بزم سخن کو سمجھو تو

تنہا کافی ہوں آٹھ دس کے لیے

دوستوں نے ترے بچھڑنے پر

مری بربادیوں کے چسکے لیے

پھر بہاروں نے راستہ روکا

گھر سے نکلے تھے ہم قفس کے لیے

عشق کا کھیل کھیلتے ہیں لوگ

نرم جسموں پہ دسترس کے لیے

ناز کیا اے قمرؔ جوانی پر

یہ تو ہوتی ہے کچھ برس کے لیے

na kisi hirs na hawas ke liye

ham yahan ae ahl-e-las ke liye

mujh pe bas ik nigah ke kafi hai

ek chingari khar-o-khas ke liye

zindagani ke khasta adde par

ham khare hain ajal ki bas ke liye

razm bazm-e-sukhan ko samjho to

tanha kafi hun ath das ke liye

doston ne tire bichharne par

miri barbadiyon ke chaske liye

phir baharon ne rasta roka

ghar se nikle the ham qafas ke liye

ishq ka khel khelte hain log

narm jismon pe dastaras ke liye

naz kya ai qamar jawani par

ye to hoti hai kuchh baras ke liye