حصار نکہت گل میں سر بہار تھا میں

حصار نکہت گل میں سر بہار تھا میں

وہ دن بھی کیا تھے کہ اک اپسرا کا یار تھا میں

جدائیوں کا سبب کھل نہیں سکا اب تک

وہ بے وفا بھی نہ تھی اور وفا شعار تھا میں

تھی غیر صبح و مسا بن ترے مری حالت

ملول شب سے دنوں سے گلہ گزار تھا میں

کوئی بھی اژدہا روزن سے در نہیں آیا

اسی نے مجھ کو ڈسا جس کا یار غار تھا میں

وہی تھے جان کے دشمن بنے ہوئے میرے

انہی کے چاہنے والوں میں بھی شمار تھا میں

کسی کے وصل نے یکجا رکھا تھا میرا وجود

کسی کے ہجر میں ٹوٹا تو بے شمار تھا میں

کہ جاکی جوں کوئی بچہ بنا دیا جائے

ملالؔ توسن ہستی پہ یوں سوار تھا میں

hisar-e-nikhat gul mein sar-e-bahar tha main

wo din bhi kya the ke ik apsra ka yar tha main

judaiyon ka sabab khul nahin saka ab tak

wo be wafa bhi na thi aur wafa shiar tha main

thi ghair subh-o-masa bin tire miri halat

malul shab se dinon se gila guzar tha main

koi bhi azhdaha rauzan se dar nahin aya

usi ne mujh ko dasa jis ka yar-e-ghar tha main

wahi the jan ke dushman bane hue mere

unhi ke chahne walon mein bhi shumar tha main

kisi ke wasl ne yakja rakha tha mera wajud

kisi ke hijr mein tuta to be shumar tha main

ke jaki jun koi bachcha bana diya jae

malal tosun-e-hasti pe yun sawar tha main