پہنچا اسی بہانے مرا فن کمال کو

پہنچا اسی بہانے مرا فن کمال کو

اردو سکھا رہا تھا میں اک خوش جمال کو

اس کا سراغ مل نہیں پایا کہ بارہا

دیکھا تلاش کر کے دل یرغمال کو

کھرچوں گا اپنے دل سے ترا ایک ایک نقش

جھٹکوں گا ذہن سے میں ترے ہر خیال کو

ہم کو امر رکھے گی ہماری سخنوری

ترسے گا یہ زمانہ ہمارے زوال کو

دفتر ہو قرب دوست ہو یا محفل سخن

تنہا ہر ایک بزم میں پایا ملالؔ کو

pahuncha isi bahane mira fan kamal ko

urdu sikha raha tha main ik khush jamal ko

us ka suragh mil nahin paya ke barha

dekha talash kar ke dil-e-yarghamal ko

khurchunga apne dil se tira ek ek naqsh

jhatkunga zehn se main tire har khayal ko

ham ko amar rakhegi hamari sukhanwari

tarsega ye zamana hamare zawal ko

daftar ho qurb-e-dost ho ya mahfil-e-sukhan

tanha har ek bazm mein paya malal ko