وہ حسیں گھڑی وہ سنہرا پل نہیں بھولتا
Qamar Malal (b. 1992)وہ حسیں گھڑی وہ سنہرا پل نہیں بھولتا
جو بتایا تھا ترے ساتھ کل نہیں بھولتا
کہاں چوٹ آئی تھی گر کے یاد نہیں مگر
وہ کسی کا کہنا ذرا سنبھل نہیں بھولتا
تجھے کہہ دیا جو پتا چلا مجھے عشق ہے
جسے علم ہو وہ کبھی عمل نہیں بھولتا
میں یہ کیسے مان لوں مجھ کو اس نے بھلا دیا
کہ مری کہی جو کوئی غزل نہیں بھولتا
اسے کیسے یاد نہ آئے تو ذرا سوچ تو
کہ ملالؔ جس سے ترا بدل نہیں بھولتا
wo hasin ghari wo sunahra pal nahin bhulta
jo bataya tha tire sath kal nahin bhulta
kahan chot ai thi gir ke yad nahin magar
wo kisi ka kahna zara sambhal nahin bhulta
tujhe kah diya jo pata chala mujhe ishq hai
jise ilm ho wo kabhi amal nahin bhulta
main ye kaise man lun mujh ko us ne bhula diya
ke miri kahi jo koi ghazal nahin bhulta
use kaise yad na ae to zara soch to
ke malal jis se tira badal nahin bhulta