درد ہے رنج ہے کلفت ہے الم ہے غم ہے

درد ہے رنج ہے کلفت ہے الم ہے غم ہے

نہ خدا ساتھ نہ ہم راہ صنم ہے غم ہے

در بدر مجھ کو زمانے میں لیے پھرتا ہے

یہ جو پیوستہ مرے ساتھ شکم ہے غم ہے

راحت غم سے رکھا جس نے سدا آسودہ

ان دنوں وہ بھی تو مائل بہ کرم ہے غم ہے

اب تو طاؤس ہی اول ہے سناں آخر ہے

دور حاضر میں یہ تقدیر امم ہے غم ہے

اہل‌ دربار سے بیزار تھا اک تو ہی ملالؔ

اب ترا سر بھی وہاں سنتے ہیں خم ہے غم ہے

dard hai ranj hai kulfat hai alam hai gham hai

na khuda sath na ham rah sanam hai gham hai

dar badar mujh ko zamane mein liye phirta hai

ye jo paiwasta mire sath shikam hai gham hai

rahat-e-gham se rakha jis ne sada asuda

in dinon wo bhi to mail ba karam hai gham hai

ab to taus hi awwal hai sinan akhir hai

daur-e-hazir mein ye taqdir-e-umam hai gham hai

ahl-e-darbar se bezar tha ik tu hi malal

ab tira sar bhi wahan sunte hain kham hai gham hai