ہر اک منزل قیام رہ گزر معلوم ہوتی ہے

ہر اک منزل قیام رہ گزر معلوم ہوتی ہے

ہمیں تو زندگی پیہم سفر معلوم ہوتی ہے

وہی تنہائی کا عالم وہی بے رونقی ہر سو

بیاباں تیری خاموشی بھی گھر معلوم ہوتی ہے

ہمارے حاسدوں کی چال آخر رنگ لے آئی

بہت بدلی ہوئی ان کی نظر معلوم ہوتی ہے

مسیحا بھول جا تیری دوا کچھ کام آئے گی

کہ ہر تدبیر اب تو بے اثر معلوم ہوتی ہے

اگر دو وقت کی روٹی ہی مل جائے غنیمت ہے

میاں فاقے میں گٹھلی بھی ثمر معلوم ہوتی ہے

اندھیری رات میں اے جان جاں بھٹکے مسافر کو

دئے کی لو بھی جیسے اک قمر معلوم ہوتی ہے

har ik manzil qayam-e-rah guzar maalum hoti hai

hamen to zindagi paiham safar maalum hoti hai

wahi tanhai ka alam wahi be raunaqi har su

bayaban teri khamoshi bhi ghar maalum hoti hai

hamare hasidon ki chal akhir rang le ai

bahut badli hui un ki nazar maalum hoti hai

masiha bhul ja teri dawa kuchh kam aegi

ke har tadbir ab to be asar maalum hoti hai

agar do waqt ki roti hi mil jae ghanimat hai

miyan faqe mein guthli bhi samar maalum hoti hai

andheri rat mein ai jan-e-jan bhatke musafir ko

diye ki lau bhi jaise ik qamar maalum hoti hai