دوستی نہ کی ہوگی کھیل ہی کیا ہوگا

دوستی نہ کی ہوگی کھیل ہی کیا ہوگا

آپ نے ہمیں سوچا غیر خوش ہوا ہوگا

میری روح میں کتنے زخم کھل گئے دیکھو

کوئی دل کے آنگن میں درد بو گیا ہوگا

جو بھی اس سے ملتا ہے خواب بننے لگتا ہے

کون جانے کس کس سے اس نے کیا کہا ہوگا

راستے میں پل بھر ہی وہ ہمیں ملے بس پھر

شہر میں کہانی کا سلسلہ چلا ہوگا

زندگی سجا لے پھر آئنے میں دیکھوں گی

مجھ پہ درد کا زیور کیسا لگ رہا ہوگا

خواب آسمانوں کے دیکھنے لگیں پرویںؔ

ایسے ہی ستارے پر نام رکھ دیا ہوگا

dosti na ki hogi khel hi kya hoga

ap ne hamen socha ghair khush hua hoga

meri ruh mein kitne zakhm khul gae dekho

koi dil ke angan mein dard bu gaya hoga

jo bhi us se milta hai khwab banne lagta hai

kaun jane kis kis se us ne kya kaha hoga

raste mein pal bhar hi wo hamen mile bas phir

shahr mein kahani ka silsila chala hoga

zindagi saja le phir aine mein dekhungi

mujh pe dard ka zewar kaisa lag raha hoga

khwab asmanon ke dekhne lagen parwin

aise hi sitare par nam rakh diya hoga