مجھ کو دیکھا نہ بات کی کوئی

مجھ کو دیکھا نہ بات کی کوئی

یہ بھی آخر ادا ہوئی کوئی

مسکرانا بھی کیا غضب ہے ترا

جیسے بجلی چمک گئی کوئی

کب سے ہوں زندگی کے صحرا میں

چھاؤں اب تو ملے گھنی کوئی

ایک شب اور دو ہوں ماہ تمام

آئے پھر ایسی اک گھڑی کوئی

دل کو چھونے سے جو رہے قاصر

وہ بھی قیصرؔ ہے شاعری کوئی

mujh ko dekha na bat ki koi

ye bhi akhir ada hui koi

muskurana bhi kya ghazab hai tira

jaise bijli chamak gai koi

kab se hun zindagi ke sahra mein

chhaon ab to mile ghani koi

ek shab aur do hun mah-e-tamam

ae phir aisi ik ghari koi

dil ko chhune se jo rahe qasir

wo bhi qaisar hai shayari koi