میں اس مقام پہ ہوں جس کو لا مکاں کہئے

میں اس مقام پہ ہوں جس کو لا مکاں کہئے

زمیں نہ کہئے اسے اور نہ آسماں کہئے

فضائے دل نہ معطر ہو جس سے اے ہمدم

نہ بوستاں اسے کہئے نہ گلستاں کہئے

وصال یار میسر نہ ہو تو کیا غم ہے

خیال یار تو ہے جس کو دل ستاں کہئے

رفیق جتنے تھے اپنے وہ اٹھ گئے سارے

ہے کون بزم میں اب جس کو راز داں کہئے

چمن میں رہ کے بھی قیصرؔ مجھے نہیں معلوم

بہار کہئے اسے یا اسے خزاں کہئے

main us maqam pe hun jis ko la makan kahiye

zamin na kahiye use aur na asman kahiye

faza-e-dil na muattar ho jis se ai hamdam

na bostan use kahiye na gulsitan kahiye

wisal-e-yar muyassar na ho to kya gham hai

khayal-e-yar to hai jis ko dil sitan kahiye

rafiq jitne the apne wo uth gae sare

hai kaun bazm mein ab jis ko raz dan kahiye

chaman mein rah ke bhi qaisar mujhe nahin maalum

bahar kahiye use ya use khizan kahiye