بدلا مزاج حسن تو وہ رو بہ رو نہیں

بدلا مزاج حسن تو وہ رو بہ رو نہیں

وہ عشوہ و ادا نہیں وہ گفتگو نہیں

دل سے تجھے نکال کے کچھ مطمئن تو ہوں

پھر بھی کہوں یہ کیسے تری جستجو نہیں

خوشبو نہ جن کی پھیلے فضاؤں میں چار سو

گلشن میں ایسے پھولوں کی کچھ آبرو نہیں

جب سے نظام مے کدہ بدلا ہے دوستو

وہ مے نہیں وہ جام نہیں وہ سبو نہیں

چرچے وہ دوستوں نے دیئے ہیں کہ الاماں

اب راہ و رسم کی بھی مجھے آرزو نہیں

قیصرؔ ہر اک طرف ہے گرانی کا تذکرہ

لیکن ذرا بتائیے سستا لہو نہیں

badla mizaj-e-husn to wo ru ba ro nahin

wo ishwa-o-ada nahin wo guftugu nahin

dil se tujhe nikal ke kuchh mutmain to hun

phir bhi kahun ye kaise tiri justuju nahin

khushbu na jin ki phaile fazaon mein char su

gulshan mein aise phulon ki kuchh abru nahin

jab se nizam-e-mai kada badla hai dosto

wo mai nahin wo jam nahin wo subu nahin

charche wo doston ne diye hain ke alaman

ab rah-o-rasm ki bhi mujhe arzu nahin

qaisar har ik taraf hai girani ka tazkira

lekin zara bataiye sasta lahu nahin