اگر تم کو مجھ سے محبت نہ ہوتی

اگر تم کو مجھ سے محبت نہ ہوتی

یہ سودا نہ ہوتا یہ وحشت نہ ہوتی

جو حسن نظر کار فرما نہ ہوتا

جہاں میں کوئی اچھی صورت نہ ہوتی

بتوں سے اگر ہوتی خالی یہ دنیا

خدا کی بھی کوئی حقیقت نہ ہوتی

تیری یاد کے ساتھ آتے نہ آنسو

اگر مجھ کو تجھ سے محبت نہ ہوتی

جو ہوتا نہ میں کشتۂ عشق قیصرؔ

یہ صورت نہ ہوتی یہ حالت نہ ہوتی

agar tum ko mujh se mohabbat na hoti

ye sauda na hota ye wahshat na hoti

jo husn-e-nazar kar farma na hota

jahan mein koi achchhi surat na hoti

buton se agar hoti khali ye duniya

khuda ki bhi koi haqiqat na hoti

teri yad ke sath ate na ansu

agar mujh ko tujh se mohabbat na hoti

jo hota na main kushta-e-ishq qaisar

ye surat na hoti ye halat na hoti