نہ سوچا نہ سمجھا نہ سیکھا نہ جانا

نہ سوچا نہ سمجھا نہ سیکھا نہ جانا

مجھے آ گیا خود بہ خود دل لگانا

ذرا دیکھ کر اپنا جلوہ دکھانا

سمٹ کر کہیں آ نہ جائے زمانا

زباں پر لگی ہیں وفاؤں کی مہریں

خموشی مری کہہ رہی ہے فسانا

گلوں تک رسائی تو آساں ہے لیکن

ہے دشوار کانٹوں سے دامن بچانا

کرو لاکھ تم ماتم نوجوانی

قدیرؔ اب نہیں آئے گا گزرا زمانا

na socha na samjha na sikha na jana

mujhe a gaya khud ba khud dil lagana

zara dekh kar apna jalwa dikhana

simat kar kahin a na jae zamana

zaban par lagi hain wafaon ki mehren

khamoshi miri kah rahi hai fasana

gulon tak rasai to asan hai lekin

hai dushwar kanton se daman bachana

karo lakh tum matam-e-naujawani

qadir ab nahin aega guzra zamana