ہم لوگ نہ نکلے تو سفر کون کرے گا

ہم لوگ نہ نکلے تو سفر کون کرے گا

دنیا کو حقیقت کی خبر کون کرے گا

پھر کوہ کنی کا ہے تقاضا کوئی آئے

اک کام ہے کرنے کا مگر کون کرے گا

ہم نے تو چراغوں کی طرح فرض نبھایا

اب رات کی کالک کو سحر کون کرے گا

الفاظ کی بوچھاڑ ہے اور گوش سماعت

کیا جانیے پتھر پہ اثر کون کرے گا

بے رحمیٔ حالات ہے ہتھیار سنبھالو

بھاگو گے تو سینوں کو سپر کون کرے گا

پھر کون لٹا دے گا دل و جان سر بزم

پھر زلف گرہ گیر کو سر کون کرے گا

ham log na nikle to safar kaun karega

duniya ko haqiqat ki khabar kaun karega

phir koh kini ka hai taqaza koi ae

ik kam hai karne ka magar kaun karega

ham ne to charaghon ki tarah farz nibhaya

ab rat ki kalak ko sahar kaun karega

alfaz ki bauchhar hai aur gosh-e-samaat

kya janiye patthar pe asar kaun karega

be rahmi-e-halat hai hathiyar sambhalo

bhagoge to sinon ko sipar kaun karega

phir kaun luta dega dil-o-jan-e-sar bazm

phir zulf-e-girah gir ko sar kaun karega