کنکر کہہ نہ پتھر کہہ

کنکر کہہ نہ پتھر کہہ

گوہر ہے تو گوہر کہہ

پیچھے غیبت ہوتی ہے

جو کہنا ہے منہ پر کہہ

پتھر ڈھونے والے کو

کائنات کا محور کہہ

چیخے قومی یکجہتی

حق پر ہو جو حق پر کہہ

لہجہ قاتل ٹھہرے گا

کڑوی بات کو ہنس کر کہہ

مستقبل کی فکر بھی رکھ

حال کا حال بھی کھل کر کہہ

بھڑک اٹھیں جس سے جذبات

ایسی بات نہ پیکرؔ کہہ

kankar kah na patthar kah

gauhar hai to gauhar kah

pichhe ghibat hoti hai

jo kahna hai munh par kah

patthar dhone wale ko

kainat ka mehwar kah

chikhe qaumi yakjihati

haq par ho jo haq par kah

lahja qatil thahrega

karwi bat ko hans kar kah

mustaqbil ki fikr bhi rakh

hal ka hal bhi khul kar kah

bharak uthen jis se jazbat

aisi bat na paikar kah