ہنستے ہنستے کہہ دی بات

ہنستے ہنستے کہہ دی بات

تم نے آخر کڑوی بات

میرے لئے پتھر کی لکیر

کانپ کے منہ سے نکلی بات

برسوں بعد بھی لگتا ہے

جیسے ہو کل ہی کی بات

پل میں لہجہ بدل گیا

دیکھی تم نے اس کی بات

آنکھوں میں چہرہ ان کا

دل میں اک اک ان کی بات

پیکرؔ ایسا جھوٹ نہ بول

لگنے لگے جو سچی بات

hanste hanste kah di bat

tum ne akhir karwi bat

mere liye patthar ki lakir

kanp ke munh se nikli bat

barson baad bhi lagta hai

jaise ho kal hi ki bat

pal mein lahja badal gaya

dekhi tum ne us ki bat

ankhon mein chehra un ka

dil mein ik ik un ki bat

paikar aisa jhut na bol

lagne lage jo sachchi bat