نہیں اپنے تو بیگانے بہت ہیں

نہیں اپنے تو بیگانے بہت ہیں

جہاں میں آئنہ خانے بہت ہیں

پریشاں کیوں ہو میرے ہم رکابو

مرے غم کو مرے شانے بہت ہیں

زمانہ بھر کی حجت کے مقابل

فقط تسبیح کے دانے بہت ہیں

ابھی سے آپ ہمت ہار بیٹھے

ابھی الزام سر آنے بہت ہیں

ہمیں رکھا ہے کس درجے میں صاحب

سنا ہے آپ کے خانے بہت ہیں

کسی کو شام کی ہے فکر لاحق

کسی کو شوق فرمانے بہت ہیں

اسی کا نام پیکرؔ زندگی ہے

مراحل سامنے آنے بہت ہیں

nahin apne to begane bahut hain

jahan mein aina khane bahut hain

pareshan kyun ho mere ham rikabo

mire gham ko mire shane bahut hain

zamana bhar ki hujjat ke muqabil

faqat tasbih ke dane bahut hain

abhi se ap himmat har baithe

abhi ilzam sar ane bahut hain

hamen rakha hai kis darje mein sahab

suna hai ap ke khane bahut hain

kisi ko sham ki hai fikr lahaq

kisi ko shauq farmane bahut hain

usi ka nam paikar zindagi hai

marahil samne ane bahut hain