گزرے ہے دل پہ جو وہ کہیں کیا کسی سے ہم

گزرے ہے دل پہ جو وہ کہیں کیا کسی سے ہم

اپنوں میں ہو کے رہ گئے اک اجنبی سے ہم

اس واقعہ کا تجزیہ کرنا محال ہے

سہمی ہوئی ہے ہم سے خوشی یا خوشی سے ہم

رہنے لگے خفا خفا سورج بھی چاند بھی

مانوس کیا ہوئے ہیں کسی روشنی سے ہم

دن دن ہے رات رات ہے یہ جاننے کے بعد

کیسے نباہ کرتے بھلا تیرگی سے ہم

جانا ہے اس مقام پہ رستہ کٹھن سہی

لائیں جو انقلاب کوئی شاعری سے ہم

پیکرؔ ہماری شان کے قطعاً خلاف ہے

آنکھیں چرا چرا کے جئیں زندگی سے ہم

guzre hai dil pe jo wo kahen kya kisi se ham

apnon mein ho ke rah gae ik ajnabi se ham

is waqia ka tajziya karna muhal hai

sahmi hui hai ham se khushi ya khushi se ham

rahne lage khafa khafa suraj bhi chand bhi

manus kya hue hain kisi raushni se ham

din din hai rat rat hai ye janne ke baad

kaise nibah karte bhala tirgi se ham

jana hai us maqam pe rasta kathin sahi

laen jo inqilab koi shayari se ham

paikar hamari shan ke qatan khilaf hai

ankhen chura chura ke jiyen zindagi se ham