صورت کے تو اچھے لوگ

صورت کے تو اچھے لوگ

لیکن دل کے کالے لوگ

ان سے اپنا رشتہ کیا

وہ ٹھہرے ہیں اونچے لوگ

دیکھے ہیں سجدہ کرتے

اپنی انا کو ہم نے لوگ

آج مسیحا بن بیٹھے

گونگے بہرے اندھے لوگ

ہر گھر کی مجبوری ہیں

کچھ پونے کچھ آدھے لوگ

تیری بات کو مانیں گے

پیکرؔ دھیرے دھیرے لوگ

surat ke to achchhe log

lekin dil ke kale log

un se apna rishta kya

wo thahre hain unche log

dekhe hain sajda karte

apni ana ko ham ne log

aj masiha ban baithe

gunge bahre andhe log

har ghar ki majburi hain

kuchh paune kuchh adhe log

teri bat ko manenge

paikar dhire dhire log