پھر اپنے آپ سے اس کو حجاب آتا ہے

پھر اپنے آپ سے اس کو حجاب آتا ہے

تھرکتی جھیل پہ جب ماہتاب آتا ہے

دکھائیے نہ ہمیں آپ موسمی آنسو

کہ یہ ہنر تو ہمیں بے حساب آتا ہے

وہ جس طریق سے اس نے سوال داغا ہے

اسی طرح کا مجھے بھی جواب آتا ہے

تو بارشوں سے شکایت سی ہونے لگتی ہے

گلاب سا جو کوئی زیر آب آتا ہے

میں اپنی آنکھ میں شبنم اتار لیتا ہوں

وہ اپنی آنکھ میں جب لے کے خواب آتا ہے

ابھی تو نام بھی اپنا نہیں ملا مجھ کو

ابھی تو نام سے پہلے جناب آتا ہے

phir apne ap se us ko hijab ata hai

thirakti jhil pe jab mahtab ata hai

dikhaiye na hamen ap mausami ansu

ke ye hunar to hamen be hisab ata hai

wo jis tariq se us ne sawal dagha hai

isi tarah ka mujhe bhi jawab ata hai

tu barishon se shikayat si hone lagti hai

gulab sa jo koi zer-e-ab ata hai

main apni ankh mein shabnam utar leta hun

wo apni ankh mein jab le ke khwab ata hai

abhi to nam bhi apna nahin mila mujh ko

abhi to nam se pahle janab ata hai