وہی ہے مے وہی شیشہ وہی ہے پیمانہ

وہی ہے مے وہی شیشہ وہی ہے پیمانہ

پہ مے کشی کے جو آداب تھے وہ بدلے گئے

وہی ہے نیند وہی رات کی گرانی ہے

ہماری آنکھوں میں جو خواب تھے وہ بدلے گئے

سوالوں اور جوابوں کا سلسلہ ہے وہی

جو حق دلاتے وہ سارے جواب بدلے گئے

رفاقتیں تو بہت عام ہو گئیں اے دوست

دکھوں میں ساتھ جو احباب تھے وہ بدلے گئے

وہی ہے باغ وہی گل ہے وہی نغمہ ہے

سکون دل کے جو اسباب تھے وہ بدلے گئے

عبادتیں ہیں وہی اور وہی دعائیں ہیں

مگر دعا میں جو القاب تھے وہ بدلے گئے

wahi hai mai wahi shisha wahi hai paimana

pe mai kashi ke jo adab the wo badle gae

wahi hai nind wahi rat ki girani hai

hamari ankhon mein jo khwab the wo badle gae

sawalon aur jawabon ka silsila hai wahi

jo haq dilate wo sare jawab badle gae

rifaqaten to bahut am ho gain ai dost

dukhon mein sath jo ahbab the wo badle gae

wahi hai bagh wahi gul hai wahi naghma hai

sukun-e-dil ke jo asbab the wo badle gae

ibadaten hain wahi aur wahi duaen hain

magar dua mein jo alqab the wo badle gae