دشت کو برگ و بار کون کرے

دشت کو برگ و بار کون کرے

سینے کو لالہ زار کون کرے

ہم وفاؤں پہ مٹ تو جائیں گے

بے وفاؤں سے پیار کون کرے

اس کی رحمت پہ تو بھروسہ ہے

آپ کا اعتبار کون کرے

موت برحق ہے آ ہی جائے گی

موت کا انتظار کون کرے

سچ کی ہمت نہ تھی تو چپ ہی رہے

جھوٹ کا کاروبار کون کرے

پاؤں کے آبلے تو بہہ نکلے

انگلیوں کو فگار کون کرے

dasht ko barg-o-bar kaun kare

sine ko lala zar kaun kare

ham wafaon pe mit to jaenge

be wafaon se pyar kaun kare

us ki rahmat pe to bharosa hai

ap ka etibar kaun kare

maut barhaq hai a hi jaegi

maut ka intizar kaun kare

sach ki himmat na thi to chup hi rahe

jhut ka karobar kaun kare

paon ke able to bah nikle

ungliyon ko figar kaun kare