صبا و گل کو مہ‌ و نجم کو دوانہ کیا

صبا و گل کو مہ‌ و نجم کو دوانہ کیا

مری سرشت نے ہر رنگ کو نشانہ کیا

وہی بہار جسے تم بہار کہتے ہو

سلوک ہم سے بہت اس نے باغیانہ کیا

جہاں بھی تیز ہواؤں نے ساتھ چھوڑ دیا

غبار راہ نے اپنا وہیں ٹھکانہ کیا

ہم آخر اس کے خد و خال دیکھتے کیسے

ہمیشہ اس نے قریب آنے سے بہانہ کیا

سخنوری کی اجازت تو دل نے دے دی تھی

مگر زبان نے اظہار مدعا نہ کیا

سحر کی آنکھ سے آنسو ٹپک نہ جائیں نعیمؔ

یہ سوچ کر نہ بیاں رات کا فسانہ کیا

saba-o-gul ko mah-o-najm ko diwana kiya

miri sarisht ne har rang ko nishana kiya

wahi bahar jise tum bahar kahte ho

suluk ham se bahut us ne baghyana kiya

jahan bhi tez hawaon ne sath chhor diya

ghubar-e-rah ne apna wahin thikana kiya

ham akhir us ke khad-o-khal dekhte kaise

hamesha us ne qarib ane se bahana kiya

sukhanwari ki ijazat to dil ne de di thi

magar zaban ne izhar-e-muddaa na kiya

sahar ki ankh se ansu tapak na jaen naim

ye soch kar na bayan rat ka fasana kiya