گہرے سمندروں میں بالآخر اتر گئے

گہرے سمندروں میں بالآخر اتر گئے

خوش فہمیوں کا زہر پیا اور مر گئے

ہم عہد نو کے لوگ بھی اللہ کی پناہ

کاسہ اٹھائے ہاتھ میں اپنے ہی گھر گئے

کچھ لوگ اڑ رہے تھے ہواؤں کے دوش پر

کیا جانے کس خیال سے ہم بھی ادھر گئے

کل رات پی پلا کے بڑی مستیاں ہوئیں

آخر کو تھک تھکا کے پھر اپنے ہی گھر گئے

کیا کیا نہ بن رہے تھے میاں حضرت ندیمؔ

سورج کو چھونے نکلے تھے سائے سے ڈر گئے

gahre samundaron mein bilakhir utar gae

khush fahmiyon ka zahr piya aur mar gae

ham ahd-e-nau ke log bhi allah ki panah

kasa uthae hath main apne hi ghar gae

kuchh log ur rahe the hawaon ke dosh par

kya jane kis khayal se ham bhi idhar gae

kal rat pi pila ke bari mastiyan huin

akhir ko thak thaka ke phir apne hi ghar gae

kya kya na ban rahe the miyan hazrat-e-nadim

suraj ko chhune nikle the sae se dar gae