مکاں سے لپٹی سسکتی ہوئی صدا کیا ہے

مکاں سے لپٹی سسکتی ہوئی صدا کیا ہے

گلی گلی میں ہے جو ان دنوں بلا کیا ہے

ہر ایک شخص ہے اپنا علم اٹھائے ہوئے

کوئی بتاتا نہیں آخرش ہوا کیا ہے

بس اک روش پہ جئے جا رہے ہیں برسوں سے

یہی ہے سچ تو بتاؤ کہ ارتقا کیا ہے

کوئی بھی چہرہ یہاں بے شکن نہیں لگتا

کوئی بھی کہتا نہیں آج یہ ہوا کیا ہے

درست بات تھی ہم اختلاف کیا کرتے

موافقت کی بھی اتنی بڑی سزا کیا ہے

عجیب بحر ہے مجھ سے ہی پوچھتا ہے اثرؔ

کسی بھی موج کو چہرہ کوئی ملا کیا ہے

makan se lipti sisakti hui sada kya hai

gali gali mein hai jo in dinon bala kya hai

har ek shakhs hai apna alam uthae hue

koi batata nahin akhirash hua kya hai

bas ik rawish pe jiye ja rahe hain barson se

yahi hai sach to batao ke irtiqa kya hai

koi bhi chehra yahan be shikan nahin lagta

koi bhi kahta nahin aj ye hua kya hai

durust bat thi ham ikhtilaf kya karte

muafiqat ki bhi itni bari saza kya hai

ajib bahr hai mujh se hi puchhta hai asar

kisi bhi mauj ko chehra koi mila kya hai