پہلی جیسی ہی کشش آج بھی ہے

پہلی جیسی ہی کشش آج بھی ہے

کل جو تھی ان کی روش آج بھی ہے

کل بھی انصاف کا سر کٹتا تھا

جرم پر داد و دہش آج بھی ہے

کل جو خواہش تھی تن آسانی کی

وہی پہلو میں خلش آج بھی ہے

ذہن کا کیسا ہے رشتہ مضبوط

اپنے ملبے میں کشش آج بھی ہے

آگ سے آگ بجھائی نہ گئی

راکھ سے لپٹی تپش آج بھی ہے

شب کی ظلمت کا وہی غم ہے اثرؔ

دوسرے دن کی کشش آج بھی ہے

pahli jaisi hi kashish aj bhi hai

kal jo thi un ki rawish aj bhi hai

kal bhi insaf ka sar katta tha

jurm par dad-o-dihish aj bhi hai

kal jo khwahish thi tan asani ki

wahi pahlu mein khalish aj bhi hai

zehn ka kaisa hai rishta mazbut

apne malbe mein kashish aj bhi hai

ag se ag bujhai na gai

rakh se lipti tapish aj bhi hai

shab ki zulmat ka wahi gham hai asar

dusre din ki kashish aj bhi hai