اٹھے نہ دھواں ایسی فضا کس نے ہمیں دی

اٹھے نہ دھواں ایسی فضا کس نے ہمیں دی

اس طرح سلگنے کی سزا کس نے ہمیں دی

اک عہد یہاں پاؤں کی مٹی میں دبا ہے

انگاروں پہ چلنے کی ادا کس نے ہمیں دی

ہم اپنے سمندر کے حوادث میں گھرے ہیں

طوفان میں ساحل سے صدا کس نے ہمیں دی

ہم لوگ تو آزاد فضاؤں میں پلے ہیں

پھر قید میں رہنے کی سزا کس نے ہمیں دی

تسلیم کہ یہ وقت اجالوں کا ہے لیکن

نادیدہ اندھیروں کی قبا کس نے ہمیں دی

مجبور بھڑکنے پہ چراغوں کی طرح ہیں

اب کس سے کہیں ایسی ہوا کس نے ہمیں دی

uthe na dhuan aisi faza kis ne hamen di

is tarah sulagne ki saza kis ne hamen di

ik ahd yahan paon ki mitti mein daba hai

angaron pe chalne ki ada kis ne hamen di

ham apne samundar ke hawadis mein ghire hain

tufan mein sahil se sada kis ne hamen di

ham log to azad fazaon mein pale hain

phir qaid mein rahne ki saza kis ne hamen di

taslim ke ye waqt ujalon ka hai lekin

nadida andheron ki qaba kis ne hamen di

majbur bharakne pe charaghon ki tarah hain

ab kis se kahin aisi hua kis ne hamen di