سب کو خود سے بچا رہا ہوں میں

سب کو خود سے بچا رہا ہوں میں

اپنا نقشہ مٹا رہا ہوں میں

دل کا تیرے ہوا میں جان جاں

پرزہ پرزہ اڑا رہا ہوں میں

یا سجاتا ہوں تیری ڈولی یا

اپنی میت سجا رہا ہوں میں

تاکہ پھر شعر کا دھماکہ ہو

روز بارود کھا رہا ہوں میں

دل کے میں نے بڑھائے دام بہت

جان سستی بنا رہا ہوں میں

ڈھونگ ہے یہ مری نئی الفت

اب بھی وعدہ نبھا رہا ہوں میں

بات منحوس اک سنانے کو

پہلے اچھی سنا رہا ہوں میں

عید دیوالی ہو کہ بیساکھی

جشن اردو منا رہا ہوں میں

تنگ آیا ہٹا کے کانٹوں کو

اب تو رستا ہٹا رہا ہوں میں

اب تو دیتے نہیں غلامی بھی

دور تھا اک خدا رہا ہوں میں

آگ لگنے کی چاہ سے ہی تو

شمع گھر میں جلا رہا ہوں میں

اب ترا زہر پھیلے باہر بھی

اب تو مغلوبؔ جا رہا ہوں میں

sab ko khud se bacha raha hun main

apna naqsha mita raha hun main

dil ka tere hawa mein jan-e-jan

purza purza ura raha hun main

ya sajata hun teri doli ya

apni mayyat saja raha hun main

take phir sher ka dhamaka ho

roz barud kha raha hun main

dil ke main ne barhae dam bahut

jan sasti bana raha hun main

dhong hai ye miri nai ulfat

ab bhi waada nibha raha hun main

bat manhus ik sunane ko

pahle achchhi suna raha hun main

eid diwali ho ke besakhi

jashn-e-urdu mana raha hun main

tang aya hata ke kanton ko

ab to rasta hata raha hun main

ab to dete nahin ghulami bhi

dur tha ik khuda raha hun main

ag lagne ki chah se hi to

shama ghar mein jala raha hun main

ab tira zahr phaile bahar bhi

ab to maghlub ja raha hun main