آج سخن کی شام کریں گے

آج سخن کی شام کریں گے

اپنے غم نیلام کریں گے

بدنامی ہی اک ذریعہ ہے

ورنہ ہم کیا نام کریں گے

کام ہمیں آرام کا دینا

ورنہ پھر آرام کریں گے

تم ہی سوچو ہم جیسے کیا

ایسے ویسے کام کریں گے

چست رہے گی اپنی سستی

قبر میں بھی آرام کریں گے

دیکھو زندہ رہنے والے

دل دکھ کا گودام کریں گے

لوگ تو جینے یا مرنے کی

ہر کوشش ناکام کریں گے

ہم مرنے سے پہلے دکھ کی

دولت تیرے نام کریں گے

فنکاروں کو تو عادت ہے

جو کچھ خاص ہے عام کریں گے

aj sukhan ki sham karenge

apne gham nilam karenge

badnami hi ik zaria hai

warna ham kya nam karenge

kam hamen aram ka dena

warna phir aram karenge

tum hi socho ham jaise kya

aise waise kam karenge

chust rahegi apni sasti

qabr mein bhi aram karenge

dekho zinda rahne wale

dil dukh ka gudam karenge

log to jine ya marne ki

har koshish nakam karenge

ham marne se pahle dukh ki

daulat tere nam karenge

fankaron ko to adat hai

jo kuchh khas hai am karenge