گر مجھے سادہ دل بنایا تھا

گر مجھے سادہ دل بنایا تھا

تو بھلا کیوں جہاں میں لایا تھا

واجب القتل مانیے اس کو

جس نے لفظ وفا بنایا تھا

ساتھ غم بھی تو چھوڑ دیتا ہے

بے سبب دل جگر جلایا تھا

شعر یہ بھوپ میں کیوں گانے لگے

میں نے تو بھیروی بتایا تھا

کل مرے گھر میں میرا قتل ہوا

خوش بہت ہوں کوئی تو آیا تھا

آخری دن خدا یہ کہنے لگے

کس نے تم کو یہاں بلایا تھا

اب مری ماں ہے بس جو پوچھتی ہے

کس نے مغلوبؔ کو ستایا تھا

gar mujhe sada dil banaya tha

tu bhala kyun jahan mein laya tha

wajib alqatl maniye us ko

jis ne lafz-e-wafa banaya tha

sath gham bhi to chhor deta hai

be sabab dil jigar jalaya tha

sher ye bhop mein kyun gane lage

main ne to bhirawi bataya tha

kal mire ghar mein mera qatl hua

khush bahut hun koi to aya tha

akhiri din khuda ye kahne lage

kis ne tum ko yahan bulaya tha

ab miri man hai bas jo puchhti hai

kis ne maghlub ko sataya tha