بے قراری کو بے قراری ہے

بے قراری کو بے قراری ہے

کس کے گھر جاؤں کس کی باری ہے

ساری دنیا کا دل دکھانے کی

جان من تیری ذمہ داری ہے

دل پھر اپنا انہیں کو دے بیٹھے

موت کا انتظام جاری ہے

حکم ہوتے ہی میں اچھلتا ہوں

ساری دنیا مری مداری ہے

میں کسی کو نظر نہیں آتا

کس نے میری نظر اتاری ہے

چیخ جو نئیں ابھی سنائی دی

سن لو مغلوبؔ وہ تمہاری ہے

be qarari ko be qarari hai

kis ke ghar jaun kis ki bari hai

sari duniya ka dil dikhane ki

jan-e-man teri zimma dari hai

dil phir apna unhen ko de baithe

maut ka intizam jari hai

hukm hote hi mein uchhalta hun

sari duniya miri madari hai

main kisi ko nazar nahin ata

kis ne meri nazar utari hai

chikh jo nain abhi sunai di

sun lo maghlub wo tumhari hai