Arooz is now on the App Store, for iPhone and iPad. Download →

All poetry

نیند کو نیند آئے جاتی ہے

Om Bhutkar Maghloob (b. 1991)

نیند کو نیند آئے جاتی ہے

رات مجھ کو جگائے جاتی ہے

ایک لڑکی جو مر گئی کب کی

وہ ابھی تک بلائے جاتی ہے

ہر طرح ریت ہے جو صحرا کی

نام بارش بتائے جاتی ہے

آئی تو تھی وہ گل کھلانے کو

اور کیا گل کھلائے جاتی ہے

کمرہ اندر سے بند کر کے وہ

قید جگ کو کرائے جاتی ہے

دن امیدوں کو چھین لیتا ہے

رات سپنے دکھائے جاتی ہے

میں حقیقت بتائے جاتا ہوں

وہ کہانی سنائے جاتی ہے

میں بھی اب گھر میں کم ہی جاتا ہوں

ماں بھی عادت بنائے جاتی ہے