صحن گلشن میں چاندنی دیکھیں

صحن گلشن میں چاندنی دیکھیں

حسن تکمیل زندگی دیکھیں

آؤ فطرت کی دیکھیں رعنائی

پتیاں کچھ ہری ہری دیکھیں

میرا ہر شعر ہے نشان حیات

میرا انداز شاعری دیکھیں

صرف تیرے ہی ہم پجاری ہیں

دل میں تیری ہی مورتی دیکھیں

چشم باطن کھلے تو بات بنے

عرش کے راز ہر گھڑی دیکھیں

میری نظروں میں ایک سا ہے سماں

کمتری اور نہ برتری دیکھیں

مست و بے خود سا ہے بجاجؔ کوئی

اس کا انداز زندگی دیکھیں

sehn-e-gulshan mein chandni dekhen

husn takmil-e-zindagi dekhen

ao fitrat ki dekhen raanai

pattiyan kuchh hari hari dekhen

mera har sher hai nishan-e-hayat

mera andaz-e-shayari dekhen

sirf tere hi ham pujari hain

dil mein teri hi murti dekhen

chashm-e-batin khule to bat bane

arsh ke raz har ghari dekhen

meri nazron mein ek sa hai saman

kamtari aur na bartari dekhen

mast-o-be khud sa hai bajaj koi

us ka andaz-e-zindagi dekhen