دل ہے بیتاب التجا کے لئے

دل ہے بیتاب التجا کے لئے

چھیڑ دو بات ابتدا کے لئے

بوئے گل لوٹتی لٹاتی ہے

مشغلہ خوب ہے صبا کے لئے

موج طوفاں میں اب مری کشتی

ناخدا چھوڑ دے خدا کے لئے

حوصلے سے جہاں میں سب کچھ ہے

یہ دوا ہے ہر اک بلا کے لئے

تیری رحمت پہ حرف آتا ہے

ہاتھ اٹھیں اگر دعا کے لئے

شہر میں دشت میں پہاڑوں میں

ہم بھٹکتے پھرے وفا کے لئے

dil hai betab iltija ke liye

chher do bat ibtida ke liye

bu-e-gul lautti lutati hai

mashghala khub hai saba ke liye

mauj-e-tufan mein ab miri kashti

nakhuda chhor de khuda ke liye

hausle se jahan mein sab kuchh hai

ye dawa hai har ik bala ke liye

teri rahmat pe harf ata hai

hath uthen agar dua ke liye

shahr mein dasht mein paharon mein

ham bhatakte phire wafa ke liye