جب کبھی تیری یاد آئی ہے

جب کبھی تیری یاد آئی ہے

ہر کلی دل کی مسکرائی ہے

دل نے بس تیری آرزو کے طفیل

ہر خوشی زندگی کی پائی ہے

سوئے طوفاں دھکیل دی ہم نے

ناؤ ساحل پہ جب بھی آئی ہے

صرف تم ہو مرے زمانے میں

ورنہ ہر شے یہاں پرائی ہے

کھو کے خود کو تری محبت میں

بے خودی بے پناہ پائی ہے

جادۂ منزل محبت میں

دل نے سو بار چوٹ کھائی ہے

پھول کلیوں کا ذکر کر کے بجاجؔ

داستاں تیری ہی سنائی ہے

jab kabhi teri yad ai hai

har kali dil ki muskurai hai

dil ne bas teri arzu ke tufail

har khushi zindagi ki pai hai

su-e-tufan dhakel di ham ne

nao sahil pe jab bhi ai hai

sirf tum ho mire zamane mein

warna har shai yahan parai hai

kho ke khud ko tiri mohabbat mein

be khudi be panah pai hai

jada-e-manzil-e-mohabbat mein

dil ne sau bar chot khai hai

phul kaliyon ka zikr kar ke bajaj

dastan teri hi sunai hai