کیا لطف زندگی کا اٹھانے لگے ہیں لوگ

کیا لطف زندگی کا اٹھانے لگے ہیں لوگ

دن میں بھی اب چراغ جلانے لگے ہیں لوگ

آئینہ زندگی کو دکھانے لگے ہیں لوگ

میری غزل کو سرقہ بتانے لگے ہیں لوگ

ہر جا پہ ظرف اپنا دکھانے لگے ہیں لوگ

چادر سے اپنی پاؤں بڑھانے لگے ہیں لوگ

تاریخ نو نصاب میں آئی ہے اس طرح

ماضی کے سارے نقش مٹانے لگے ہیں لوگ

مرحوم کو خطوط لکھانے لگے ہیں لوگ

امن و اماں کی پیدا ہو اس ملک میں فضا

کیوں نفرتوں کے پیڑ اگانے لگے ہیں لوگ

آئی نہ راس جب انہیں شہروں کی زندگی

صحرا کی سمت دیکھیے جانے لگے ہیں لوگ

اشعار میری غزلوں کے چھونے لگے ہیں دل

اپنے دلوں میں مجھ کو بٹھانے لگے ہیں لوگ

یہ بھی تو اے لطیفؔ سیاست کی دین ہے

سر پر گدھوں کے سینگ اگانے لگے ہیں لوگ

kya lutf-e-zindagi ka uthane lage hain log

din mein bhi ab charagh jalane lage hain log

aina zindagi ko dikhane lage hain log

meri ghazal ko sarqa batane lage hain log

har ja pe zarf apna dikhane lage hain log

chadar se apni paon barhane lage hain log

tarikh nau nisab mein ai hai is tarah

mazi ke sare naqsh mitane lage hain log

marhum ko khutut likhane lage hain log

amn-o-aman ki paida ho is mulk mein faza

kyun nafraton ke per ugane lage hain log

ai na ras jab unhen shahron ki zindagi

sahra ki samt dekhiye jane lage hain log

ashar meri ghazlon ke chhune lage hain dil

apne dilon mein mujh ko bithane lage hain log

ye bhi to ai latif siyasat ki din hai

sar par gidhon ke sing ugane lage hain log