ہاتھوں کو بنا دیتی ہے جب برگ حنا سرخ

ہاتھوں کو بنا دیتی ہے جب برگ حنا سرخ

کر دیتی ہے رخسار کو پھر شرم و حیا سرخ

تاریکیاں زائل ہوں تو ہو جائے سویرا

پھیلے جو شفق چار سو ہو جائے فضا سرخ

شاید کہ برسنے کو ہے پھر آگ فلک سے

کیوں آج نظر آنے لگی ہے یہ گھٹا سرخ

ہم ہوں گے شہیدان وفا کیوں نہ جہاں میں

ملبوس ہمارے لیے ہے جب کہ بنا سرخ

پھر آج سلگتا ہے مکاں شہر میں کوئی

وہ دور افق پر جو نظر آئی ضیا سرخ

hathon ko bana deti hai jab barg-e-hina surkh

kar deti hai rukhsar ko phir sharm-o-haya surkh

tarikiyan zail hun to ho jae sawera

phaile jo shafaq char su ho jae faza surkh

shayad ke barasne ko hai phir ag falak se

kyun aj nazar ane lagi hai ye ghata surkh

ham honge shahidan-e-wafa kyun na jahan mein

malbus hamare liye hai jab ke bana surkh

phir aj sulagta hai makan shahr mein koi

wo dur ufuq par jo nazar ai ziya surkh