جب روٹھ جانا آپ کا اچھا نہیں لگا

جب روٹھ جانا آپ کا اچھا نہیں لگا

کیوں مان جانا آپ کا اچھا نہیں لگا

مٹی میں کیوں ملاتے ہیں ان موتیوں کو آپ

آنسو بہانا آپ کا اچھا نہیں لگا

محفل سے جو نکالا کوئی بات ہی نہ تھی

ہاں مسکرانا آپ کا اچھا نہیں لگا

ہر آستاں پہ دیکھیے تعظیم کے لئے

سر کو جھکانا آپ کا اچھا نہیں لگا

عزت نہیں بڑوں کی نہ چھوٹوں سے پیار ہے

ہم کو زمانہ آپ کا اچھا نہیں لگا

گو اشکؔ غیر ہی سہی لیکن یوں بزم سے

اس کو اٹھانا آپ کا اچھا نہیں لگا

jab ruth jana ap ka achchha nahin laga

kyun man jana ap ka achchha nahin laga

mitti mein kyun milate hain in motiyon ko ap

ansu bahana ap ka achchha nahin laga

mahfil se jo nikala koi bat hi na thi

han muskurana ap ka achchha nahin laga

har astan pe dekhiye taazim ke liye

sar ko jhukana ap ka achchha nahin laga

izzat nahin baron ki na chhoton se pyar hai

ham ko zamana ap ka achchha nahin laga

go ashk ghair hi sahi lekin yun bazm se

us ko uthana ap ka achchha nahin laga