وقت کی دہلیز پر بیٹھے ہیں جانے کے لئے

وقت کی دہلیز پر بیٹھے ہیں جانے کے لئے

منتظر ہیں موت کے آرام پانے کے لئے

کیا لکھوں جو زندگی اپنی کہانی کہہ گئی

لفظ لاؤں میں کہاں سے اس فسانے کے لئے

جو بنایا تھا کبھی وہ گھر بکھر کر رہ گیا

ہم ترستے ہی رہے اس آشیانے کے لئے

محفل جام و سبو میں اب کہاں وہ رونقیں

اب کہاں انداز ساقی ہے دکھانے کے لئے

زیب دیتا ہی نہیں ہر بات پر یوں روٹھنا

کیا کریں جائیں گے پھر ان کو منانے کے لئے

زندگی کی الجھنوں میں ہر کوئی مصروف ہے

اشکؔ کس کے پاس بیٹھیں دل لگانے کے لئے

waqt ki dahliz par baithe hain jane ke liye

muntazir hain maut ke aram pane ke liye

kya likhun jo zindagi apni kahani kah gai

lafz laon main kahan se is fasane ke liye

jo banaya tha kabhi wo ghar bikhar kar rah gaya

ham taraste hi rahe is ashiyane ke liye

mahfil-e-jam-o-subu mein ab kahan wo raunaqen

ab kahan andaz-e-saqi hai dikhane ke liye

zeb deta hi nahin har bat par yun ruthna

kya karen jaenge phir un ko manane ke liye

zindagi ki uljhanon mein har koi masruf hai

ashk kis ke pas baithen dil lagane ke liye