خزاں کی شام کو زخم بہار کس نے کیا

خزاں کی شام کو زخم بہار کس نے کیا

ہر ایک ریشۂ گل رنگ بار کس نے کیا

خوشی وصال کی ساری سمیٹ لی تو نے

فراق لمحوں کو بولو شمار کس نے کیا

ہر ایک شخص یہاں بد گمان تجھ سے تھا

نگاہ یار ترا اعتبار کس نے کیا

یہ میرے گھر کی اداسی گواہی دے گی تجھے

کہ تیرے ہجر کے دریا کو پار کس نے کیا

متاع جاں کو کیا خاک کس نے تیرے لئے

یہ خاک جاں ہی بتائے گی پیار کس نے کیا

وفا میں جان لٹانے کے بعد بھی لبنیٰؔ

مرے خلوص محبت پہ وار کس نے کیا

khizan ki sham ko zakhm-e-bahar kis ne kiya

har ek resha-e-gul rang bar kis ne kiya

khushi wisal ki sari samet li tu ne

firaq lamhon ko bolo shumar kis ne kiya

har ek shakhs yahan bad guman tujh se tha

nigah-e-yar tira etibar kis ne kiya

ye mere ghar ki udasi gawahi degi tujhe

ke tere hijr ke dariya ko par kis ne kiya

mata-e-jan ko kiya khak kis ne tere liye

ye khak jan hi bataegi pyar kis ne kiya

wafa mein jan lutane ke baad bhi labani

mire khulus-e-mohabbat pe war kis ne kiya