شعلہ جلتا ہوا سرد سی شام میں

شعلہ جلتا ہوا سرد سی شام میں

من پگھلتا ہوا سرد سی شام میں

وحشتوں نے رگ جاں کو کاٹا ہے خوب

دکھ مسلتا ہوا سرد سی شام میں

آسمانوں پہ رنگوں کے میلے بھی تھے

دن تھا ڈھلتا ہوا سرد سی شام میں

کون تھا دشت میں سنگ میرے کہو

ساتھ چلتا ہوا سرد سی شام میں

بے خودی کو کہوں کیا میں اپنا بدن

دیکھوں ڈھلتا ہوا سرد سی شام میں

shola jalta hua sard si sham mein

man pighalta hua sard si sham mein

wahshaton ne rag-e-jan ko kata hai khub

dukh masalta hua sard si sham mein

asmanon pe rangon ke mele bhi the

din tha dhalta hua sard si sham mein

kaun tha dasht mein sang mere kaho

sath chalta hua sard si sham mein

be khudi ko kahun kya main apna badan

dekhun dhalta hua sard si sham mein