کچھ کہتے ضرور ان سے گویائی نہیں باقی

کچھ کہتے ضرور ان سے گویائی نہیں باقی

صورت تو حسیں ہوگی بینائی نہیں باقی

دکھ درد کی ساتھی تھی ملنا ہے محال اس کا

اک حشر سا برپا ہے تنہائی نہیں باقی

اب دل میں ہے کیا میرے اس بات کو تم چھوڑو

اس راہ محبت میں پسپائی نہیں باقی

حالات کی شدت نے جھلسائے بدن ایسے

چہرے کی ضیا رخصت زیبائی نہیں باقی

کچھ رنگ خزاں نے بھی گل ایسے کھلائے ہیں

لہجوں میں کہیں بھی تو رعنائی نہیں باقی

kuchh kahte zarur un se goyai nahin baqi

surat to hasin hogi binai nahin baqi

dukh dard ki sathi thi milna hai muhal us ka

ik hashr sa barpa hai tanhai nahin baqi

ab dil mein hai kya mere is bat ko tum chhoro

is rah-e-mohabbat mein paspai nahin baqi

halat ki shiddat ne jhulsae badan aise

chehre ki ziya rukhsat zebai nahin baqi

kuchh rang-e-khizan ne bhi gul aise khilae hain

lahjon mein kahin bhi to raanai nahin baqi