پوروں پوروں زخم ہوئی ہوں

پوروں پوروں زخم ہوئی ہوں

خوابوں کی سیڑھی سے گری ہوں

کاسہ مرا ہے حرف تسلی

کرم کا سکہ مانگ رہی ہوں

سائے میں اس کے بیٹھنا چاہوں

صدیوں سے میں تھکی ہوئی ہوں

راہ کے جس نے خار چنے تھے

دل سے اس کی آج ہوئی ہوں

چہرے پر ہے گرد کا شیشہ

اندر سے میں چمک رہی ہوں

poron poron zakhm hui hun

khwabon ki sirhi se giri hun

kasa mira hai harf-e-tasalli

karam ka sikka mang rahi hun

sae mein us ke baithna chahun

sadiyon se main thaki hui hun

rah ke jis ne khar chune the

dil se us ki aj hui hun

chehre par hai gard ka shisha

andar se main chamak rahi hun