دل پہ جذبوں کا راج ہے صاحب

دل پہ جذبوں کا راج ہے صاحب

عشق اپنا مزاج ہے صاحب

دشت کی ریت ہے بہت پیاسی

آبلوں کا خراج ہے صاحب

پاس حرمت نہیں ہے لفظوں کی

کیسا وحشی سماج ہے صاحب

آپ کو بھول ہی نہیں پاتی

میرا کوئی علاج ہے صاحب

سانس بھی ٹھیک سے نہیں آتا

نفرتوں کا رواج ہے صاحب

کچھ بھی بدلا نہیں ہے دنیا میں

جو بھی کل تھا وہ آج ہے صاحب

میرا حصہ نہیں مقدر میں

یہ مرا احتجاج ہے صاحب

dil pe jazbon ka raj hai sahab

ishq apna mizaj hai sahab

dasht ki ret hai bahut pyasi

ablon ka khiraj hai sahab

pas hurmat nahin hai lafzon ki

kaisa wahshi samaj hai sahab

ap ko bhul hi nahin pati

mera koi ilaj hai sahab

sans bhi thik se nahin ata

nafraton ka riwaj hai sahab

kuchh bhi badla nahin hai duniya mein

jo bhi kal tha wo aj hai sahab

mera hissa nahin muqaddar mein

ye mira ehtijaj hai sahab