زمین چشم نم میں ہم کو تیرا خواب بونا تھا

زمین چشم نم میں ہم کو تیرا خواب بونا تھا

تری ہر یاد کا موتی تو پلکوں میں پرونا تھا

ملن کے موسموں میں جانے کیوں میں بھول بیٹھی تھی

تجھے بھی شہر کی اس بھیڑ میں اے دوست کھونا تھا

فقط اپنے خیالوں سے نہ باندھو یوں مرے دلبر

کبھی دیتے رہائی مجھ کو بھی کچھ دیر سونا تھا

گرا ہے تو کئی ٹکڑوں میں وہ بکھرا پڑا ہوگا

تمہارے نم سے ہاتھوں میں جو شیشے کا کھلونا تھا

نہ جانے وقت نے کیوں فاصلے یہ دے دئے ورنہ

تمہی تو میرے جیسے تھے تمہیں تو میرا ہونا تھا

zamin-e-chashm-e-nam mein ham ko tera khwab bona tha

tiri har yad ka moti to palkon mein pirona tha

milan ke mausamon mein jane kyun main bhul baithi thi

tujhe bhi shahr ki is bhir mein ai dost khona tha

faqat apne khayalon se na bandho yun mire dilbar

kabhi dete rihai mujh ko bhi kuchh der sona tha

gira hai to kai tukron mein wo bikhra para hoga

tumhare nam se hathon mein jo shishe ka khilauna tha

na jane waqt ne kyun fasle ye de diye warna

tumhi to mere jaise the tumhen to mera hona tha