رات دن ایک سا رہتا ہے اجالا مرے گھر

رات دن ایک سا رہتا ہے اجالا مرے گھر

آتشیں آہ ہے یا آٹھ پہر کی بتی

پڑ گئی رکھتے ہی ناصور جگر میں ٹھنڈک

اس کا پیکاں بھی ہے کیا خوب اثر کی بتی

شب فرقت کا اندھیرا نہ گیا پر نہ گیا

کام کچھ موم کی آئی نہ اگر کی بتی

رات گھر اوس کے دیے میں کہیں جلتی تھی ضرور

تار ہائے نگہ اہل نظر کی بتی

شمع کی مجھ کو ضرورت نہیں واللہ ظہیرؔ

میری روشن ہے ہر اک مصرعۂ تر کی بتی

rat din ek sa rahta hai ujala mire ghar

atishin ah hai ya ath pahar ki batti

par gai rakhte hi nasur-e-jigar mein thandak

us ka paikan bhi hai kya khub asar ki batti

shab-e-furqat ka andhera na gaya par na gaya

kam kuchh mom ki ai na agar ki batti

rat ghar os ke diye mein kahin jalti thi zarur

tar ha-e-nigah-e-ahl-e-nazar ki batti

shama ki mujh ko zarurat nahin wallah zahir

meri raushan hai har ik misra-e-tar ki batti