شرر افشاں وہ شرر خو بھی نہیں

شرر افشاں وہ شرر خو بھی نہیں

کوئی تارا کوئی جگنو بھی نہیں

جانے طے منزل شب ہو کیسے

دور تک نور کی خوشبو بھی نہیں

ہم سا بے مایہ کوئی کیا ہوگا

اپنی آنکھوں میں تو آنسو بھی نہیں

جس بیاباں میں جنوں لایا ہے

اس میں تو یاد کے آہو بھی نہیں

جانے اس ضد کا نتیجہ کیا ہو

مانتا دل بھی نہیں تو بھی نہیں

sharar afshan wo sharar khu bhi nahin

koi tara koi jugnu bhi nahin

jane tai manzil-e-shab ho kaise

dur tak nur ki khushbu bhi nahin

ham sa be maya koi kya hoga

apni ankhon mein to ansu bhi nahin

jis bayaban mein junun laya hai

is mein to yad ke ahu bhi nahin

jane is zid ka natija kya ho

manta dil bhi nahin tu bhi nahin